الحصــــار
على ارض اكتو بر فتح التاريخ الباب ..
واخضرّت اللبلابه على العسكر
واتمد خيط الشمس .. بعد الامس و نوّر السكه
الحرب لجل الارض .. لجل الاسم والضحكه
واحنا القنابل .. الدانات .. ولافرق بين الافنديات والاسطى
الكل فى الكاكى عسكر
واللى يفهم فى الكفاح يبقى السلاح جسده
ولحظه الصفر .. بيتدى
...
كانت مدينتى يادوب هتتنفس هوا..
يادوب هتلمس شمس سينا..
يادوب هتتلاشى احلامها الحزينه
وهتبتعد عنها اصوات لانفجار.
وف لحظه فوق الانتظار..
نام النهار .. واتفرد ليل الحصار فوق المدينه.
الحصار .. اقوى كتير من ان تموت بالسم .
اقوى من اقوى الزلازل ..
اقوى من هجر المنازل..
الحصار.. ليل طويل من غير صباح ..
واللى يفهم فى الكفاح .. يبقى السلاح جسده ..
ولحظه الصفر .. يبتدى.
...
وابتدينا الحرب مع جيش الحصار ..
نار بتطلع من الجنوب .. ونار بتطلع م الشمال.
من كل ثغرات المدينه طلعت الافواج تقاوم لاحتلال
الكل فى الخندق عساكر..
ولاهمنا يوم عمرنا ولا اى مال..
ولاننا من صغرنا واحنا دارسين الكفاح ..
اتصاحبنا على السلاح ..
وفتحنا ابواب السويس تانى .. للحياه ..
... كلمات محمود صابر الخطيب ا